復活節開工日

假期後第一日返工, 例牌無咩心情, 好似好多野做, 但係又唔係好想做, 連飯也不想出去吃, 懶散得切底.
幾日假期做左咩呢? 連自己都唔記得, 怪不得常遭"好友"話我係失憶病人, 都有幾分似. 上星期五放假第一天好似駕車出左街, 星期六就同友人夾band, 星期日就....唔記得, 星期一晚就去睇band show. 好彩...七成記憶都係到.

呀醒起, 星期日去左赤柱吃晚飯....噢, 死啦, 自已寫過落個blog到都唔記得.... 真係要搵凌峰醫生幫我睇睇個腦先得.

尋日個band show都值七十分, 美中不足係無得點自己鐘意既歌啦, 要被迫睇個隊咁既"赤子"啦, 同d我既年紀/2 既妹妹仔一齊睇啦, 同埋無野食. 除此以外, 都有可觀性. 其中"好友"個鼓班同學仔都有黎, 仲同"好友"傾得好頭契, 唔... 睇落去都幾好笑. 估唔到"好友"整親隻腳都仲咁有魅力... haha...

睇完show同友人們吃飯, 講下講下, 好似我又要兼顧打鼓的工作. 唔知幾時先可以搵番屬於自己的崗位呢? 算吧, 夾得band既, 預左無咩keyboard. 其實我都唔憎打鼓既, 都覺得自已打鼓幾快上手, 只係練半日都可以玩到3隻歌仔. 曾經看過很多星座書, 都話人馬座的人對表演藝術有天份和興趣. 不過不要自滿, 還是要practice makes perfect. 好...努力練習, 做一個"模範鄧腳"!

一個人對某件事的天份和觸覺, 都好影響個人的學習取向, 例如佢喜唔喜歡玩音樂啦, 定係喜歡寫野啦等等. 而一個人的態度, 就影響個人的學習進度和成就. 好似我咁, 無恒心就死得啦. 諗繄如果有日有人同我講 "喂, 原來打鼓可以減肥播!" -- 我諗我會改變一下我既學習態度. hehe..