Hea

放完聖誕返工是最悠閒的, 老細放假, project on hold, 無人跟, 無人傾, 返黎就係hea 下, 睇下雜誌, 上下網, check下email咁... 所以, 除非去旅行, 否則聖誕後最好唔放假, 唔係好蝕啊hoho...

今個聖誕, 竟然去左出show...都一把年紀, 仲搞D咁野. 不過, 原來都幾好玩. 又唔係想象中咁驚喎, 上到台, 望番落去, 其實d人仲"偶豆"過你. 整體表現算係不過不失咁啦, 話晒第一次, 都滿意吧. 希望今次唔係最後一次. 黎緊既大難題係....作曲. 呢個係一個要少少天份, 少少樂理, 加少少技術, 再配合大量團隊溝通的習作. 天份, 樂理, 技術, 我地都有, 不過係分開的haha...你有天份, 又無樂理, 識樂理, 但無技術. 咁...一齊作? well, 我地亦無咩溝通haha...死未!

聖誕另一節目, 籌備婚禮啦! 終於訂造了婚紗, 希望效果滿意. 咁下一步係咩呢? 真係未諗, 比d時間黎.