謎

回歸十年, 香港人又創下一項歷史, 向世界上16座最危險活火山中的一座捐驅. 她, 成為舉世第一個華人, 香港人, 近距離踏足活火山口. 她, 亦應該是得到聯合國同意, 出動維護和平部隊拯救的首名華人(亦希望是最後一位), 情形好似Saving Private Ryan.

究竟, 佢點解一個人去剛果? 點解咁多人唔死, 唯獨佢跌死? 究竟佢係咪真係無聽導遊勸告, 私自走落去呢? 定係, 導遊想謀財不果, 順勢推事主落去呢? ..... 謎!!!!

昨天跟進報導, 事主家人不打算往非洲領屍, 有待運送回港. 如果一名至親去世, 不是總會有衝動想到當地親身領回家人遺體嗎? 起碼來一個認屍程序都要掛. 究竟, 點解呢名遊客既屋企人可以理智如此? .....謎!!!

今天再跟進報導, 事主家人不打算往非洲領屍之餘, 還同意遺體在當地火化. 下?? 運返香港都廢事?? 究竟, 事主身前同家人的關係如何? 係咪因為同屋企人鬧翻, 所以才決意出走非洲, 走到世界最危險的地方來一個大解脫? 點解屋企人連事主最後一面都唔想見呢? .....謎!!!

其實, 從各方面黎睇, 香港亦是一個活火山. 計溫度, 今天下午一時站在皇后大道中, 感覺猶如站在活火山口. 計生活質素, 在全球60億人口中，約有超過11億人口生活在赤貧線以下, 香港應佔了當中的七百萬人, 每天活在水深火熱之中. 計空氣質素, 香港的空氣污染日益嚴重, 日日吸住廢氣生活, 猶如慢性自殺, 慘過吸硫黃. 要睇活火山? 邊駛去非洲咁遠.

不過硬係要去既話, 我比大家的愛心提示係: 買番個長鏡頭先啦!!! 咁咪唔駛走落去影咯!!!! 阿醒!!!!