進化論

今天下了濛濛雨, 午餐外出時忘了帶傘, 好彩兩不大, 反正我都唔鐘意帶傘. 平時返工時總發現有d人鐘意打橫行, 當我直前行緊時, 有d人會突然係你前面出現, 又或者有d人會慢慢係你左前方, 行下行下行左係你前面, 之後仲要減慢速度. 呢個時候既我, 都會因為前面無打燈既關係, 誤踏人地對鞋. 跟住我都會匆匆講句solly, 再心諗:"抵你死".呢個情況係落兩時更甚.....

人類打橫行的情況,己經根深柢固, 並且伸延至生活的每一個細節. 例如老細有時講野會打橫黎講, 將d impossible既野講到好似possible咁, 跟住做細既就因為飯碗的關係, 會打橫黎做野, 屈, 呃, 誘, 騙, 咩都做齊, 為保飯碗不理手段. 跟住老細會認為"嘩, 你咁都做到!" 就變本加厲,如此下去, 形成了一個"打橫黎做"既辦公室文化. 又例如係茶餐廳d阿姐, 會攞住杯凍檸茶埋黎同你講呢杯係凍檸水. 又例如早前朋友的朋友要悔婚, 麻怨認識十多年的男仔一直都無上進心....咁....你十多年前都識佢架啦. 呢d都係人類繼打橫行後, 開始學識打橫黎講野既一d日常例子. 思維會影响行為的同時, 行為亦會影响思維. 駛得多橫手, 諗野都會打橫黎諗. 好似政府話d舊野值得紀念, 所以鐘意拆左d舊野, 再起番d新野黎紀念d舊野咁.

估唔到人類由猿人時代, 進化至能兩腳直立走路的人類, 現已進化到能兩腳直立並打橫黎行, 厲害!