Runaway Bride

呢套戲從來未睇過, 亦無諗過真係會發生係認識的朋友身上. 還有三個禮拜就要結婚的朋友仔, 突然未婚妻說性格不合, 咁就走左佬. 最難的是點同朋友,同事, 親戚解釋呢? 點解拍拖時就啱, 結婚先話唔啱呢? 酒席點算? 結婚相先慘, 花了金錢, 丟了實在可惜, 留返又做咩呢? 點同下一個另一伴解釋:"係呀, 我同以前條女影左結婚相, 不過無結婚" 搵鬼信. 人人都認定係個女仔唔啱, 好高騖遠, 不過諗深一層, 有邊個女仔唔想嫁個有錢人, 只不過, 佢選錯時候去實踐呢個"幻想"者... 諗諗下, 都好佩服佢悔婚既勇氣, 受盡眾人的唾罵, 背著負心人的罪名, 都要悔婚, 唔係個個做到. 如果佢賭得贏, 呢鋪佢真係可以搵到自己所謂的幸福, 嫁個有錢人, 如果賭輸, 佢可能短期內都未必再有機會. 唉, 邊個有錢仔三十幾都未有女友又未婚呢? 有都大排長龍等佢啦.

總之, 祝佢好運!

心意

日前公司負責廁所清潔的阿姐送了一隻她親手造的狗仔擺設給我, 是她親手做的. 原來她也給了其他同事每人一只手造狗仔, 每隻有不同的造型, 維妙維肖. 坦白說, 我不愛擺設, 也不太愛寵物. 但她送給我的那一刻真的令我很感動, 我其實連阿姐姓甚名誰都不知道, 她是大廈外判商的工人, 每天可能見佢一兩次, 佢每次都係笑容滿面咁同人打招乎. 係一個咁悶的辦公室入面突然有人送你一點心意, 實在感到很溫暖,這同時令我感到懺愧, 因為我從來無打算去認識呢個人, 或打算去送她什麼, 但係佢竟然如此有心, 親手製造小禮物, 送給她根本不認識的人... 真的, 很感謝這番心意. 但願我也有如此心思.

Can't teach an old dog new tricks

Take up 左個網球賽project已第二年, 年年都為左呢壇野做到隻野咁. 仲要搵埋d死鬼佬做PR agency,比錢佢地做野仲要受氣. 真係唔好睇d鬼佬好似好醒咁,其實一個四十領五十歲的鬼佬,就同一個四十領五十歲做了幾十年野唔識變通的阿叔一樣. 明明張相有足夠五百萬megapixels, 死都要話要一張file size 要5M的jpg,苦惱了一天, 友人終於教我用upsampling的方法, 張一張逾五百萬megapixels的相upsample, 使file size達到佢所謂的5M之餘亦不影響相片質素. 係, 呢個動作係無聊, 但係換來佢一句 "Thanks, very useful"的電郵回覆, 花少少時間做d無謂野都係值得既. 仲深深體會到一句諺語"can't teach an old dog new tricks", 中文即係=正白癡!

感謝友人這個鬼主意,好work!

洪朝豐

今日睇娛樂版竟然見到洪朝豐接受電台訪問, 感覺好突然, 不禁問一句"咩佢唔係癡左線咩?". 雖然這一問有點刻薄, 但係我諗係呢個社會唔會得我一個人會咁問. 咁long term 既Bi-polar depression 都可以好得番, 勁! 其實好明白佢既感受, 病者不是發病時難受, 而是係清醒後發現自己曾發病時係最難受的. 家裡有人曾得schizophrenia(精神分裂), 多得大學時期的訓練, 對此病亦有點認識, 加上家中的長期"臨床"經驗, 令我更能從病者的角度了解精神病是怎樣的一回事, 亦能了解家人的感受, 尤其對精神病不熟悉, 或不想熟悉的家人來說, 比照顧一個末期癌症病人更辛苦, 也許這是當年我從強烈的反對聲中都要搬出來住的原因.

多年前友人也因患了depression而結束了自己的生命, 當年我只是心理學初哥(well...宜家都係), 未能及早發現這位朋友突然瀑肥, 由挑皮變得沈默的原因為何. 亦因此而內疚了良久, 常問自己點解見面時不主動了解多一點, 為何不關心她一點, 反問自己為何讀心理學連身邊人有事也愚蠢到察覺不到等等. 就在那段時候, 我終於親身體驗到弗洛伊德(Sigmond Freud)對於夢境和潛意識的理論: 有一晚發夢夢見這位故友, 就躺在旁邊看著我, 然後我在夢境中跟她說"凡事看開點吧, 沒有什麼事解決不了的, 唔緊要的" 接著, 我扎醒了, 神奇既係, 所有內心的內疚感立即消失了, 整個人輕鬆了, 從那晚起, 終於可以把事情放下了. 弗洛伊德講過夢境能分析人的心理狀態, 夢境亦能用以平衡人的心理狀態, 夢境是潛意識的表現, 是一種情緒宣洩...這些一切一切, 我都一次過領教過了. 這次體驗令我不得不把這位人兄視為心理學的教主, 連去英國旅行也拜訪了他的故居, 有意思...有意思.

活動--取消

原本今日興緻勃勃玩生平第一次wakeboard,點知出師不利,遇著下大雨,取消了. 唔知點解明知會凍到變雪條, 都晨早起身換晒泳衣應約, 積極得有點難以置信, 心想最多都係凍親, 發燒, 唔返工, 無咩大不了, 無任何合理的理由令我會放飛機. 當人開始覺得承諾的重要的時候, 可能係開始對自己的生活多了一點承擔的關係. 身邊有朋友還是愛放飛機, 可能是他還在摸索著自己的生活方向, 這亦意味著他還停留在不用為生活擔憂的階段, 可嘗不是件好事?

昨天又去了玩band, 效果不錯, 主音哥哥唱得非常投入, 令眾人皆非常起勁, 非常感謝! 主音在一隊band中往往被稱為frontman, frontman比vocal的作用來得重要, frontman 是能掀起隊中成員對每段樂章的感情起伏. 當然, 我們的主音還未到這個階段, 但已很不錯. 不過, 好係個句, 打鼓真係好攰的, 好似做了三個鐘頭的運動, 奇怪的是竟然昨晚睡不著, 今天下午亦訓唔到晏覺, 搞到宜家好鬼攰.希望黎梗一星期不用太忙就好, 可以抽時間練習, 時間對我來說永遠是一個問題, 是我不懂分配工作的時間, 定係, 我真係咁忙呢?

結他手

近日其中一個隊員在網上公開招攬結他手, 令我認真地諗起好多關於夾band既野.

有次聽收音機, 主持人講開夾band, 佢話一班人要走埋一齊玩音樂並非易事. 所謂friend個打band, 唔friend既都真係好難一齊夾band. 夾band唔係講梗一齊玩一首歌咁簡單, 而係要睇大家的默契有幾多, 音樂取向是否相同, 係咪可以容忍到大家的缺點等等... 講真, 如果唔friend既, 好難keep住個個禮拜見一次, 每次成3,4個鐘者. 所以老套d講句, 可以走埋一齊的都是緣份.

若真的有人肯加入我們當結他手, 咁佢同我地又係咪夾到呢? 勁既, 又未必肯同我地玩, 差既, 又唔知點叫佢走, 就算夾到, 咁音樂取向係咪相同, 就算相同, 咁佢係咪會另有目的? 佢會唔會想出show? 出名?出碟?老實說, 我既目的都係玩下者, 當然都係會認真地玩.　我諗我己過了那個要出show,出名和出碟的階段了．

朋友仔,可能時間會令你成熟一點.

偷賴

又係公司寫自己個blog, 終於有d了解點解人總係鐘意係公司偷賴: 原因(1)覺得好抵, 原因(2)心理上覺得有D刺激. 無可否認, 係公司最專心的時候, 就係做梗自己野的時候. 而係公司寫blog有個好處, 就係可以扮打字, 有d做野feel. 人地仲以為你搞咩咁多野打添... hehe..真無聊.

今日超unproductive, 全日只係寫了兩個articles, 加埋只有800多字, 都用了全天的時間去做,
一個字---抵! 諗住可以做d收工, 點知比老細叫住唔准走, 搞到宜家仲係公司. 之所以揀呢個時候去寫blog, 又係因為...抵咯, 至少心理上係咁覺得.

講開心理, 自我感覺良好呢家野好緊要, 就好似近期有個同事結婚, 婚後發了她的相部給同事"欣賞", 老實講, 我唔見得會有人真係逐張click去睇, 不過唔緊要, 一世人得一日做主角, 點都send左比人先算. 我其實無認真睇, 不過, hmmm...老實講....佢個粧真係.....d衫都....但係呢d"外人"的睇法對主人家黎講一d都唔重要, 就係因為自我感覺良好, 心理上可以話係已經豁左出去.

噢, 老細到宜家仲未開完會返黎, 打亂了今晚所有schedule...., 剛聽到腳步聲以為返緊黎, 點知原來唔係... 哎...

停不了的飯局

上星期吃了一個很難吃的母親節套餐, 連母親大人都話難食, 食到一d尊嚴都無... 邊個話母親節要出街吃飯. 今日又要去吃友人的母親節飯局, 平時難食都暈的hkpu入面個南北小廚, 今日終於好少少, 不過都係.... 明知咁難食都要出街食, 唔知為咩.

星期五同d財經記者去左唱k, 唱到三點幾先回家, 累透了. 現在通一晚頂要訓足兩日先得, 今日都仲係呆呆地. 但係又去左玩band, hehe...都係貪玩啊.

又是工作天

整整一個星期無寫野,剛剛過完一個假期, 又係去左夾band,遊車河,同屋企人食飯,吹水,幻想結婚等等...
星期日去了美心酒樓預祝母親節,$488五條友食個母親節套餐,質素奇差, 服務=0, 開始覺得我們國內同胞的服務無得頂. 國內$488會有王帝式的享受, 當然, 食物的衛生亦是值得多加留意. 不過, 起碼唔駛受氣. 算吧, 一年一次, 況且又唔駛我錢. 席間各人又談到本人的婚事, 其實我地都係brainstorm下者, 唔駛咁認真. 生平最怕搵野黎搞, 擺酒是一個非常有技巧的環節, 體面的要花金錢和時間, 簡單的會比人話呃錢. 搞得再好, 朋友最多都係只會說聲多謝, 搞得唔好, 都係講多謝(後加句"有無搞錯"). 搞得好, 朋友個個賞面黎食, 搞得唔好, 朋友就變成局住黎食. 試問唔係搵十萬九千七, 無本事搞世紀婚宴, 所以都係唔搞好.

今天又是星期一, 例牌無心情開工, 今日決定收早d, 回家好好休息或做點運動. 好, 係時候買杯咖啡醒醒神先!

回來了

剛從北京回來,累透了. 轉工一年多, 但已出了近十次trip, 開始感到有d嫌惡, 因為每次出trip前的準備工夫少不得, 仲要係做死個種. 幾忙都好, 去北京前都抽了一個小時練鼓, 噢, 回來後才發現練錯了pattern, 昨天忙忙更正, 但最後亦是錯處百出. haha... 練習,that's the key. 就是沒時間練習. d友人話無所謂, 但係要做d錯既野出黎當啱, 真係過唔到自已個關.