香港歡迎妳啊!!!!!

姨甥快要在星期六出世了, 這個寶寶真係得來不易, 相信全家上下到時會為家姐抹一把汗之餘, 更會為這個BB仔高興, 因為她的降臨, 我地個個係呢個世上又多了一個角色, 生活又好像多了一種意義. 媽咪要做外婆, 老豆要做外公, 我就要做阿姨啦 hahahaha...其實阿姨要做D咩呢?

以前隱約記得阿姨會教我做功課, 會得閒送我小禮物, 功課不合格會幫我作監護人簽名並隱瞞父母啦, 考試前夕會幫我默書啦, 放假又會帶我去公園或騎單車啦, 送二手衫比我啦, 仲有.... 嘩, 諗下諗下都幾多野要做, 都係要諗下點安排先得. 又或者可以貴精不貴多, 教佢一d 入學必修特異功能, 如彈下琴, 彈下結他, 遊下水, 打下鼓, 打壘球, 學下外語咁就fit 啦. 家姐話呢個寶寶將會由賓賓湊, oh-my-god, 睇黎得閒時仲要同BB糾正番d賓賓英語呀.... 唔係入學時以為佢係菲藉就慘, 叫賓賓教BB講菲律賓話會好d, 起碼多一種外語旁身, 唔好睇少菲律賓話, 佢地比西班牙人統治過, 語系差不多, 第時學Spanish都話咁易上手, 學到Spanish, 咁同Spanish同出一轍的葡萄牙文一樣難唔到佢啦, 一舉三德.

BB女, 你要生性d呀, 十月香港天氣不錯的, 算係秋高氣爽啦, 你住個區將軍澳係新市鎮, 人傑地靈架, 最緊要係你老豆老母兩個都係公務員, 可以食長俸, 生活條件不俗啊, 起碼唔駛你養之餘, 仲可以保送你去英國皇家音樂... 噢, 唔係, 係可以政府津貼你去英國讀書架, 乖乖地, 安安全全咁出世啦, 唔駛諗啦, 包你無投錯胎架, 努力呀!!!!!!!