午飯速記

又是在辦公室用午飯時間寫blog, 這是一天裡最清靜的時間, 同事們外出吃飯, 公司靜到無論, 可以做下私人野. 今日都係無咩心情吃飯, 求其買了coffee and muffin 返公司吃, 扮晒老外haha... 講起老外, 近期發現原來始終老外係高人一等, 比左錢佢地都可以大大聲話唔做野, 當然我地呢d中低層既, 就係老外的踐踏對象,咁低層既係點? 連比人踐踏的機會都無咯. 係既, 弄權, 搞政治(包括辦公室政治)一向都係老外較中國人擅長的項目, 米旗國的老外對此尤其專長. 唔.. 值得學習學習.

今日返工時突然諗起好耐無寫信比非洲的仔仔, 始絡習慣了電郵, 對拿起筆寫信提不了興趣. 不過我仍會努力嘗試寫信比佢, 相信一封信比起每月二百元的資助來得開心和長久. 對於非洲的生活我到現時也不太了解, 不過每次看到他的信, 內容都係提及他們在田裡的生活, 多少反映到生活的樸素, 有點令人向往, 算吧, 到時去到咪又係嫌熱啦, 嫌無野食, 又嫌悶咁...haha... 都係諗下好.

噢, 老闆剛踏入辦公室, 又係時候工作了.

復活節開工日

假期後第一日返工, 例牌無咩心情, 好似好多野做, 但係又唔係好想做, 連飯也不想出去吃, 懶散得切底.
幾日假期做左咩呢? 連自己都唔記得, 怪不得常遭"好友"話我係失憶病人, 都有幾分似. 上星期五放假第一天好似駕車出左街, 星期六就同友人夾band, 星期日就....唔記得, 星期一晚就去睇band show. 好彩...七成記憶都係到.

呀醒起, 星期日去左赤柱吃晚飯....噢, 死啦, 自已寫過落個blog到都唔記得.... 真係要搵凌峰醫生幫我睇睇個腦先得.

尋日個band show都值七十分, 美中不足係無得點自己鐘意既歌啦, 要被迫睇個隊咁既"赤子"啦, 同d我既年紀/2 既妹妹仔一齊睇啦, 同埋無野食. 除此以外, 都有可觀性. 其中"好友"個鼓班同學仔都有黎, 仲同"好友"傾得好頭契, 唔... 睇落去都幾好笑. 估唔到"好友"整親隻腳都仲咁有魅力... haha...

睇完show同友人們吃飯, 講下講下, 好似我又要兼顧打鼓的工作. 唔知幾時先可以搵番屬於自己的崗位呢? 算吧, 夾得band既, 預左無咩keyboard. 其實我都唔憎打鼓既, 都覺得自已打鼓幾快上手, 只係練半日都可以玩到3隻歌仔. 曾經看過很多星座書, 都話人馬座的人對表演藝術有天份和興趣. 不過不要自滿, 還是要practice makes perfect. 好...努力練習, 做一個"模範鄧腳"!

一個人對某件事的天份和觸覺, 都好影響個人的學習取向, 例如佢喜唔喜歡玩音樂啦, 定係喜歡寫野啦等等. 而一個人的態度, 就影響個人的學習進度和成就. 好似我咁, 無恒心就死得啦. 諗繄如果有日有人同我講 "喂, 原來打鼓可以減肥播!" -- 我諗我會改變一下我既學習態度. hehe..

面慒慒的一天

嘩, 今日超瘀. 首先驅車入赤柱, 好不容易搵到個位,點知個S位有d彎,泊左好耐都唔得.仲比架寶馬係後面等我個位, 以為我會泊唔到. 咁我梗係唔會輸比佢睇啦, 死都霸住個位先. d人真係幾得閒, 特登兜幾次黎睇我泊唔泊到車, 最後仲話同我泊. 死未! 咁係咪佢幫我泊車, 我就可以渣佢架寶馬呢?

走既时候撞正有roadblock,噢, 我竟然唔識停, 又可能係我懶, 斜路唔想停hehe...結果....比差人截住泊埋一邊. 開車時有d溜後, 嚇死d差人, hehe..可能佢地開始後悔截停我. 最威係走既時候d 差人幫我開路haha...試問有邊個比人截停後仲有差人開路呢? 唔.... 都唔錯.

明天是最後一天假期了, 真想再放長一點假.

得左

個blog終於重見天日, 有係d無聊問題, 之前個title有個字影响左個decode云云...所以逼於無奈改左個title. Warm Up取其諧音Warm = 暖(亂) , Up = 嗡. 即係亂咁up咯.

嘩, 今日玩完4個鐘頭band, 足足打了4個鐘頭鼓, 打到腳軟. 查實小妹由keyboard, 到bass, 玩到打鼓, 都覺得幾得意. 有多少精神分裂, 亦多少覺得唔係好pro haha... 無野係專長, 好似唔係咁好. 依?幾時變得咁認真呢? 其實次次玩新歌投放係練習的時間都少得可憐, 上星期都係玩之前幾粒鐘打下, 今個星期又係玩之前個日練下咁... 都過都骨, 但感覺始終唔係咁好既, 可能係心態問題, 都係諗住暫時打下鼓咁, 無個commitment. hehe..呢個都係一直存在的問題. 都係個句, 睇你個objective係咩啦. 出show?玩下? 消磨時間? 聚舊? 可能大家的objective都有d唔同既. 話時話又諗起個8級鋼琴試, 幾時先可以考呢? hmmm.... 今年好大機會咁駛做China Open, 又係時候計劃下先.

黑仔x 2

好野, 真係好黑, publish唔到個post....
咪玩啦, 真係....估佢唔到.

黑仔

其實都唔想係到第一篇blog就下咀咒, 但確實好黑, 辛辛苦苦寫好了的blog竟然摺左, 原來要沖洗記憶就是這麼簡單 1.2.3. 就咁成個site就無左, 當然, 呢家野唔會有backup, 所記載的人和事都溶化在光纖裡...... 真好, 呢d就要乾淨俐落, 無手尾跟. haha... 仲記得之前個blog係用英文寫的, 唔好問點解, 一開始就係用英文寫, 原因不太清楚, 大概係因為打字快d...haha...

算啦, 重頭來過. 今日是復活節假期前夕, 依? 亦是我的blog復活的一天,haha..真巧. 好彩無信教, 唔係實激死耶穌個種.

好, 睇下post出黎係咩樣先....