Tuesdays with Morrie

這書已出了良久, 只是沒有閱讀的決心. 有日行過書店見到一個pocket size的版本, 英文算是顯淺易明, 即管買來看看, 點知一發不可收拾. 其實本書的內容都是老生常談, 生離死別, 如何學懂生活, 珍惜, 感恩, 寬恕等等聽慣聽熟的人生大道理, 外間對此書致予高度評價, 一致歌頌Morrie (書中作者的大學教授)的人生觀等等... 不過我睇完本書, 都覺得Morrie 的"lesson"一般吸引, 反而精髓就係作者自己和大學教授的關係發展, 由大學時期亦師亦友的親密,到畢業後各有各忙的疏離, 又到Morrie病危時作者與教授努力重建比大學時更鞏固的友誼, 呢三個階段的發展更引人入勝, 不過又再一次體現夕陽無限好, 只是近黃昏的理論. 是的, 自己都係眼淺的人, 這書雖然是pocket size,但都不能帶出街看.... 係地鐵比人見到眼濕濕以為我比人非禮添...haha...次次都係呢埋係屋企睇吧.

本書成日話"When you learn how to die, you learn how to live", 我日日反工都想死架啦, 我諗我都大約知道想死既滋味. haha...But I don't know how to live and live it full. 人地話如果你每日都當係生命的最後一天, 就會珍惜每分每秒, 咁死啦, 日日都要返工, 但要當日日都係最後一天, 咁咪日日都做死 ?? 比著我, 如果係反工的時候抱著每日都係生命的最後一天的工作態度, 我會選擇唔做野, 成日偷懶haha... 橫點都死架啦, 仲咁博做乜.

奇離

尋日又訓到好晏先起身, 搞到又好晏先訓覺, 星期一返工又例牌烚眼訓. 今日起身兩隻眼好似比人打瘀左咁, 連自己都嚇親. 連忙狂補粉, 塗眼影, 都係遮唔到對熊貓眼... 再加番一頭零亂的頭髮, 簡直好似係精神病院出來一樣...., 唔係噃, 通常精神病院出來的一般都覺得自己好靚.

其實尋日起身後都無咩做過, 忽忙吃了個brunch就去了夾band. 真奇怪, 今次隻歌仔明明好易, 拍子又無咩上落, 都係有點兒問題. 上班時狂聽隻歌, 又上過網睇過個guitar tab, 好似發現左個小問題, 唔知解唔解決到大家的疑惑, 但又唔知係唔係...haha..搞到自己都好疑惑添...

One night in Beijing

這首歌係國內歌手陳聲的飲歌, 好似講一個男人係北京有一段情咁上下. 剛係北京回來, 攰死人. 以前成日恨出trip, 宜家大大話話出了十次trip, 次次出trip前做死人, 出trip後攰死人. 我最鐘意day trip, 唔駛留低.

呢個trip都算抵死, 最精彩的是同五個高層及其朋友落d, 係落d. 大大話話個個都大我廿年, 好似同阿爸阿媽去跳舞咁. 感覺....不太好受. 期間有位高層朋友請我跳舞, 那種感覺, 有點似英皇小花.... 不堪回首..
但係, 又幾搞笑.

認真

嘩, 今個禮拜夾band又夾band, 好攰. 大家忽然變得認真起來, 噢, 但係夾極個拍子都唔準, 令人超沮喪, 難道多年來的鋼琴訓練已完全還給老師? haha... 認真, 有要求, 係啱既.