秋季燒烤--失敗

好耐無燒過野食, 今晚同一眾友人去了西貢燒烤, 誰不知個場唔掂, 又焗, 最差係個爐係巴西燒烤個種, 完全無野外燒烤風味. 所以今次的安排係---失敗!!

遙控

中國大大話話都有幾千年歷史, 祖先的智慧及經驗都應該比任何人豐富. 吓, 誰不知到左宜家呢個年代, 中國仍是一個民智未開的民族. 究竟係文革把數千年的智慧都一掃而空, 還是什麼原因令到祖國的同胞的理解和解決問題的能力低於常人?

要和同胞們合作愉快不難, 只是指示清晰簡單, 不需叫他們動腦筋便可以把事情幫你搞好. 偏偏老細就鐘意化簡為繁, 要小妹遙控國內同胞做裝修. 遙控, 已經不易, 仲要係香港監督佢地係北京搞裝修? 無野呀. 你不如叫我監察住d恐怖份子, 叫佢地唔好搞事呀笨. 哎.....就係咁, 一個好簡單既指令, 一個好清晰既reminder, 都變成一幕幕的惡夢. 叫左佢地唔好做A要做B, 佢就係都鐘意做A比你丙左先, 丙到上天花板喇, 就死死地氣做番個B比你, 死未. 我們的同胞有的是時間, 無的亦是時間觀念, 沒有所謂deadline, 總之, 佢地做野既理念係: 總有一日,佢一定會做到你要既野, 所能係一天, 一星期, 一個月, 或一世...呢個經驗令我深深體會到係大陸, 人力和時間係最唔值錢. 佢地成日勝在人多, 時間多(無時間觀念), 就成日做錯野.

噢, 我明白了, 幾千年歷史在中國人的心目中根本不算什麼, 因為, 我們是沒有時間觀念的民族. 難怪難怪....

大開眼界

剛陪友人去完大酒店回來, 真係好似去完廣東雜技團咁. 道士呢一行真係唔易撈, 負責玩樂器的又要拍子準確, 負責念經的又要記性好, 仲要識得晒一兩招, 轉連環十幾個圈, 再點紅中央個火團, 以矯健的身手跨過去,有聲, 有形, 有勢, 再加上全場關了燈, 直頭好去左馬戲團, 仲想有拍手的衝動. 開頭以為道士只係唸下經, 點知原來都係辛苦錢.真係令小妹大開眼界, 不過, 太嘈了, 我想我死後都不想有人係面前嘈之巴閉, 大煙大火, 生前已夠煩, 死後仲無安寜, 仲要吃二手煙, 唔好啦...

如果真係要有表演環節的話, 我諗我想睇...欣宜跳舞.

道士表演時間很長, 期間家屬們努力在摺元寶, 我呢個非家屬都盡一點綿力, 奈何我的手工從小到大都實在很爛,摺到歪歪斜斜的, 摺元一只就慌忙地放進收集袋裡, 怕被人看見"錯體元寶", 當然難免被友人揶揄我的手工. 但我唔覺得摺得靚唔靚會影響喎, 錯體銀紙仲值錢啦!