栢斯

剛在栢斯琴行完成了一個超迷你個人鋼琴演奏會, 聽眾3名(2名職員,1名友人), 掌聲, 零. 滿足感, 一百分. 爽!

花, 香嗎?

放工在地鐵嗅到花的味道, 抬頭看見男子手持一束鮮花, 陪同女友人坐地鐵.

一向都相信"苦樂全在主觀的心, 不在客觀的事." 相信嗅覺也一樣. 我的嗅覺素來不太靈敏, 媽媽買一束束鮮花回家, 我都不覺得有任何香氣. 後來終於有機會見識何謂"花香". 一次是在朋友的喪禮上, 基督教佈置的靈堂放滿了鮮花, 整個空間充斥着花的氣味. 翌年, 在大學同學的喪禮上, 又是基督教佈置, 靈堂大了, 放了更多白玫瑰, 我亦拿了一束百合, 親手送給她.

我不知道花, 是香的. 只知道花的氣味不會令我高興. 我不抗佢收花, 雖然從來沒有收過, 不過, 最好是沒有氣味的花.

膠花會是個不錯的選擇, 李嘉誠送的, 更好.

不要問我從哪裡來

作為一個土生土長的香港人, 以飲香港的水, 食香港的飯, 長香港的腳為榮. 但偏偏呢世人比鬼佬問得我最多的問題, 就係"Where do you come from?".

小妹自小好高騖遠, 貪圖富貴, 但志願卑微, 心想大個後, 只想做一名空中服務員. 家姐知道我喜歡不勞而獲, 便以激脹發, 說我d英文咁屎, 點做空姐. 就係佢呢一句, 令當年仍在念小學的我發奮圖強, 背誦生字, 熟讀preposition, 喪做習作. 到初中時亦不知不覺的開始接觸下d外國文化, 唔知幾時開始聽英文歌, 睇芝麻街, 無聊劇集咁, 又參加下d英文朗誦比賽(諗番都幾羅), 辯論學會咁, 到左高中, 班入面黎左個外國同學仔, 就諗盡辦法成日搵佢喪傾計,出街, 睇戲, 務求成日可以講英文 ......學埋學埋, 都只係為左一個好卑微的願望 -- 做空姐. 到考完A-Level, 時機到了, 即跑去面試. 英文test ok, eye sight test ok, 但係到度高.... 那年是 1997, 當年空姐都是嚴選的, 沒有度手長這回事, 如身高不夠, 即出局!

所以, 請不要再問我係邊度返黎啦, 我是香港人!!!!學英文, 只為一時虛榮.

媒體?

近日每天也看到新媒體三個字, 看到煩, 看到厭, 但又不看不得. 看到本人對新媒體這個名詞開始有點陌生. 根據消息人士指, 所謂新媒體, 就係張舊媒體既野放係一個新的distribution platform到, 而呢個platform, 叫做internet! 噢, 多麼偉大的構想, 多麼自大的命名. 原來本人十多年前已接觸的玩意, 係有名的, 叫"新- 媒- 體"!!! 意即開啟多一個分銷渠道, 張d舊野放Q晒落去, 令人們可以隨時, 隨地, 隨身上網, 分享內容. 即係話, 以前拉屎係要經由馬桶"分銷"到大海裡, 那如果現時科技可經由手機分送到大海裡的話, 那我們就不用一定要搵厠所才能拉屎, 只需要一部手機, 便能把"嚿-霉-體"(即屎in layman terms)隨時,隨地, 隨身的送到大海裡.

要理解新媒體, 不難. 要張新媒體這個舊玩意包裝成一個新產品推出市面, 超難. 這等於話比人知:"喂, 我屋企宜家有電視啦"! Hey, Excuse me???

唔....我要professional D, 催眠自己.... 誰說新媒體沒有新聞價值? 可能有朝一日, 人類可透過新媒體去拉屎, 咁我地就係一家獨具"屎眼"的新媒體企業!!!!!!!! 哈哈哈

偷聽

有日搭lift聽到兩人有趣對話

白領男:唉,都唔知點解人地做得咁快,我咁慢
同事女:咁唔可以咁比較既
白領男:唔....
同事女:不過我知道"督"你個個一定唔係陳大文
白領男:你點知?
同事女:因為陳大文同我講過, 如果佢要"督"一個人, 佢會堂堂正正咁"督"佢出黎, 唔會係背後放箭
白領男:哦....
同事女:信我啦, 一定唔係陳大文
白領男:唔.... 咁我心目中都知係邊個做既

你知道誰在耍你嗎?