大慈善家

五月話咁快就到尾聲. 過去數星期都係忙都無人信, 返工, 返化粧, 出trip, 做義工, 仲要超級多的前期準備工作, 有d索氣. 仲要因此無上差不多一個月鼓班. 時間分配真失敗. 還好, 這認明我還是一個比較專一的人, 多一個男友也應付不來hahaha...就這方面而言, 請大家放心好了haha

呢個月做左咁多樣野, 做開心, 還是工餘時間做義工, 捐輪椅. 前期工作很多, 成日放工都要開會. 與一班志同道合, 但毫無經驗的人一起搞event, 的確是一件苦差. 本來負責財務和公關的我, 最後, 變了一名雜務, 負責補鑊. 幸好, 經過這次, 我發現原來做事比我更不濟的人大有人在. 唔怪得我老細要請我....睇怕都係迫住請個隻.

但係到了活動當日, 睇到一班院友開開心心咁玩遊戲, 有d因病導致口齒不伶俐, 仍堅持以語言表達自己的心聲, 有的雙手己萎縮, 但仍努力用身體去全力參與每一個遊戲. 活動有一環節, 是義工們要坐上輪椅尋寶, 坐上去的那一刻, 真的, 覺得很尷尬. 想像得到, 院友們要長期坐輪椅的心情, 是何等複雜. 你可能說他們都習慣了啦! 但係一世人都要坐輪椅, 倚靠別人扶助, 這種滋味, 應該誰也不能習慣, 只是無奈接受吧.

活動後本想做好心把一些紙包飲料遞給院友們, 但遭一一婉拒, 他們寧可在自己推著輪椅拿飲品. 可能, 這些小事, 都是在他們的能力範圍做到的, 都會爭取親力親為, 好聽的, 就是他們很獨立, 很堅強; 說實在的, 他們心底裡還渴求過著健全的生活, 與我們看齊. 亦再次說明左, 坐輪椅的感受, 誰也不能習慣, 只是無奈接受.

探訪活動後, 我們一班義工搞了一個慈善晚宴. 當然不少得多位貴賓來臨. 晚宴亦邀請了數名傷殘人士表演輪椅太極. 晚宴總算順利, 只是班來賓只係想黎social下,與知名人士交換下name card 咁. 看見那數名傷健人士表演者無人同佢地講野, 心中有點酸, 最後, 鼓氣勇氣走過去同佢地傾計, 亦感謝佢地既表演咯. 出發點, 係以同情心出發既, 係有d 唔啱, 但唔係咁又可以點....假假地人家都係表演嘉賓, 你地班PK扮晒慈善家係到social, 連晚宴的主角的丟下不管, 真係無人性. 最搞笑係, 捐輪椅個捐贈人都趁呢個時間向我sell佢公司的保健產品. 真係道德淪亡. 枉佢為拿督家族後人.

最後, 原來做義工, 都只係一場show. 不過, this show must go on!